شاقِّين دروبك في المستحيل يا ممكنه رغم العراقيل و العقابيل والجروح المزمنه ما السكة إنتي ونحنا ماشنك جساره شنو البمنعنا من سكة عديلك وانتصارا إنسلِّي من كوم حطامك نحنا عايزنك مناره وماشين على دربك إليك من كل فجة وكل حاره دايرين نجيك نغني ليك أرضك سماك وأسود عرينك قمحك وسمحك وعروض عوينك دخنك وقطنك غرة جبينك يا بلدي آه آه آه يا بلدي آه مهما كبر حزنك تنامى واتناسلت آهاتو زادت في اضطراما ال...

يا برهان منو القال ليك بنقبل بيك ونقبل لي وطنَّا هوان كفايه خلاص تولِّع في قلوب الناس مناقد من لهيب ظلمك وأوهام خاليه من احساس منو القال ليك حا نسمع ليك منو القال ليك حا نسمح ليك تغبِّش وعينا الأنضر تأخِّر سعينا الأخضر وتهدم عِزة السودان طلقت كلابك الضَّالَّه على شموس الوَعِى الطَّالَّه صدور مليانه بالإيمان قلوب بتواجه الشيطان مليشياتك صايله فينا عيان ومافي أمان من الرصاص من البنبان وهسع بال...