شاقِّين دروبك في المستحيل
يا ممكنه
رغم العراقيل و العقابيل
والجروح المزمنه
ما السكة إنتي ونحنا ماشنك جساره
شنو البمنعنا من سكة عديلك وانتصارا
إنسلِّي من كوم حطامك
نحنا عايزنك مناره
وماشين على دربك إليك
من كل فجة وكل حاره
دايرين نجيك
نغني ليك
أرضك
سماك
وأسود عرينك
قمحك وسمحك
وعروض عوينك
دخنك وقطنك
غرة جبينك
يا بلدي آه
آه
آه
يا بلدي آه
مهما كبر حزنك تنامى
واتناسلت آهاتو
زادت في اضطراما
الفرح بنجيبو تاني بدمَّنا
الفرح ما حلماً بجيكِ في ظل غمامه
الفرح بتجيبو الشوارع لما تهدر من
جديد
تحلف تجيب حق الشهيد
وتسوقنا لي سكة سلامة
شارك هذا الموضوع: